Logo de Sada Instrucción y apoyo

Logo de Sada Instrucción y apoyo
Logo da Sociedade "Sada y sus contornos" creada en Nova York, no 1913, por emigrantes naturais do Concello de Sada e residentes nesa cidade americana.A finalidade principal era dotar á súa vila natal de medios co que instruír ás novas xeracións.No 1927 inaugurábase a nosa escola...83 anos despois, inauguramos o blogue da súa Biblioteca. Sada, 25 Outubro do 2010.

miércoles, 19 de diciembre de 2012

En decembro: a costa, a praia e as marismas.

Durante o mes de decembro, no recuncho de Voz Natura da biblioteca, atoparedes o panel do hábitat da costa, a praia e as marismas. Cada vez que leves un libro da biblioteca para ler, daranche de regalo un dos seis cromos deste hábitat. Seguro que os coleccionades todos!


sábado, 15 de diciembre de 2012

O lobo vermello.

A historia dun pequeno can que se cría con lobos e aprende a ser un máis da manda. Non obstante, é ferido nunha cazaría contra eles e lévano á casa dunha acomodada familia cuxa filla consegue salvalo, converténdose na súa amiga. Ela prometeralle que cando a súa vida chegue ao final, o levará ao barranco onde xacen os lobos mortos, tamén a súa nai loba.

O lobo vermello foi Premio Alemán de Literatura Infantil.

"... é un delicado canto ao respecto pola natureza así como unha alegación á dignidade dos seres vivos, sexa cal sexa a súa condición; as súas marabillosas imaxes de traxos suaves e que alternan o movemento máis frenético coa quietude máis emotiva son a maior homenaxe que se pode facer á vida en todas as súas manifestacións."
(Revista Babar)



  • O lobo vermello (El lobo rojo)
  • Friedrich Karl Waechter.
  • Número de páxinas: 64 a toda cor.
  • Encadernación: cartoné.
  • Formato: 22,3 x 28 cms.
  • ISBN: 978-84-96646-71-1
  • Idade: dende 8 anos.

miércoles, 12 de diciembre de 2012

Bonita é a vida.

Saben que existe para cada persoa unha xirafa con ás, disposta a facelos
                   explorar o seu país, o seu continente, o seu universo...
                           pero sobre todo o seu corazón? Sabíano?
                                        Intuíano? Imaxinábanseo?
                                                    Nooooooo?


Esta é a historia de violeta, unha nena de enormes ollos, que vive nun lugar remoto en África e a quen algo marabilloso lle aconteceu un día... algo que o fará coñecer a beleza do seu país, do seu pobo e dos seres humanos que, como ela, saben apreciar o marabillosa que é a vida.

Un conto que nos fala de solidariedade, xenerosidade e da beleza que se esconde no noso interior. Unha viaxe cara ao corazón de África e ao de todos os que seguen descubrindo ese neno que levamos dentro.


Un conmovedor conto cuxa inspiración naceu dunha anécdota real:

Un día, un misionero que ía no seu jeep polos camiños de Pokot, parouse a comprar nun poboado, o que suscitou que tres mozas pequenas kenyanas se achegasen ao coche para mirarse no seu retrovisor e así presumir dos seus colares e pinturas. Cando o misionero as vio, se achegou a unha delas e díxolle "Que bonita es!" ao que a nena contestou moi seria "Bonita eu? Bonita é a vida!"

Autora: Ana Eulate
Ilustradora: Nívola Uyá
ISBN: 9788415619253
Web: http://www.bonitaeslavida.com/
Web (Cuento de Luz): http://esp.cuentodeluz.com/bonita-es-la-vida/

A autora cede o seus ingresos á Fundación Vipeika co fin de realizar proxectos de nutrición e educación en Kenia.
Nenos da escola Conto de Luz School en Pokot (Kenya) 
construída pola Fundación Vipeika.

miércoles, 5 de diciembre de 2012

O mellor agasallo.

Se queres un universo de emocións, aventuras, historias, animais, viaxes... Ti queres unha biblioteca.


viernes, 30 de noviembre de 2012

Reparto do álbum e dos cromos.

Repartiuse o álbum aos nenos/as do cole. Os cromos iranse entregando cada vez que se retire un libro de lectura. Facede clic nas imaxes e teredes acceso ao blogue de Voz Natura da nosa escola, poderedes ver as fotos do primeiro día de reparto de cromos e o álbum.
Reparto de cromos

Álbum

miércoles, 28 de noviembre de 2012

Educando en valores.

Nestas semanas estivemos realizando distintas actividades relacionadas cos Dereitos do Neno e co Día Internacional Contra a Violencia de Xénero. Aquí tedes algunhas fotos das mesmas.
20 de novembro. Dereitos do neno


25 de novembro. Día Contra a Violencia de Xénero

lunes, 26 de noviembre de 2012

25 de novembro: Día Internacional contra a Violencia de Xénero.

Esta semana no noso colexio a estamos adicando a sensibilizar aos nosos nenos/as no relativo á violencia de xénero. Entre todos e todas elaboramos este mural que preside a entrada.

miércoles, 21 de noviembre de 2012

Lecturas sobre dereitos.

Fume

Unha conmovedora historia de Antón Fortes cunhas intensas imaxes da polaca Joanna Concejo, de gran sensibilidade e fermosura, pese a reflectir a terrible realidade do protagonista. Realidade que resulta aínda máis cruel ao enfrontala de xeito recorrente coas lembranzas da súa vida anterior, de onde foi arrancado, de onde foron arrancados todos.



                                               Á sombra dos anacardios



Ten flores verdes, ás veces amarelas,
e unhas froitas vermellas que se comen.
Sempre lle pregunto cándo vou curar,
para non ir máis ao hospital.
As follas abanean co vento…
Parecen dicir: Axiña…, axiña…!

Caixa de cartón

Neste álbum, Txabi Arnal e o ilustrador iraniano Hassan Amekan únense para ofrecer unha crónica da inmigración, mais desde un punto de vista moi diferente ao que a diario nos presentan os telexornais e periódicos. Nestas páxinas non hai análises de xornalistas, nin estatísticas; só a voz valente dos protagonistas deste auténtico drama humano e vai ser unha nena inmigrante a que en primeira persoa nos relate a súa historia.

Mamá gastou todos os seus aforros.
Comprou un billete para unha embarcación
que nos debía levar a unha terra
Onde as nenas non dormen en caixas
nin as mamás choran.

Cobertor de estrelas
Cobertor de estrelas trata de maneira literaria, os problemas dos nenos abandonados nas rúas brasileiras. Á marxe da sociedade e sen vínculos familiares, a súa infancia transcorre na rúa, alí dormen, brincan, rouban e tentan defenderse dos perigos que os espreitan. Esa é a realidade retratada en Cobertor de estrelas, un libro escrito desde a óptica dun meniño da rúa que quere aprender a escribir. Grazas a esta ilusión, o pequeno recobra as esperanzas de saír da pobreza e mais da violencia que o rodean.



Canción para un niño en la calle, Mercedes Sosa y Calle 13.

domingo, 18 de noviembre de 2012

20 de Novembro: Día Universal da Infancia.

O 20 de novembro celebramos o aniversario da Convención sobre os Dereitos do Neno. Nestes días no noso colexio estamos realizando distintas actividades para conmemorar esta data.  Aquí tedes algúns recursos e suxestións.
Enrédate con UNICEF

A Convención adaptada para todos.


Os dereitos por Malfalda.



Dereitos da infancia no cine.

La gran aventura de los Lunnis: En busca de los derechos perdidos.


Pocoyo e os seus amigos ensinannos os dereitos da infancia.

Dereitos do neno: animación.

Canción dos dereitos do neno.

jueves, 15 de noviembre de 2012

CARIDE, Ramón: A negrura do mar. Ed. Xerais.

Para o Terceiro Ciclo:

Said e Sheila relatan unha viaxe do 2076 polo Océano Atlántico por mor
dunha alarma medioambiental, unha posible marea negra, que os leva a
viaxar ao 2002, cando afundiuse o Prestige.


FERNÁNDEZ PAZ, Agustín: A praia da esperanza. Ed. Xerais de Galicia


Para o 2º Ciclo:
Conto sobre o afundimento do petroleiro Prestige e a marea negra que
provocou, a través dos ollos dunha nena, Raquel, e a buguina que recolleu
 na praia.



¡NUNCA MÁIS!. A ollada da infancia.


Conto, poemas, actividades e debuxos que plasman a visión dos cativos
sobre a catástrofe do Prestige.

Un libro nestas datas...Marea Negra...

Para o Primeiro Ciclo:
Hai xa 10 anos que un petroleiro chamado Prestige causou en Galicia a maior catástrofe medioambiental nas nosas costas...Esperemos que isto "Nunca máis" volva a suceder...
Na Biblioteca hai un libro que o recorda...Marea Negra...para os máis pequenos...O naufraxio dun barco petroleiro enche o mar de alcatrán. A vida das gaivotas está ameazada, pero os animais dunha granxa da riberia bótanseao mar a socorrelas...



Aquí tedes un vídeo para recordar e emocionarvos...

lunes, 12 de noviembre de 2012

Malos, malosos.

Aquí tedes algúns dos Malos, malos que os nenos e nenas do noso colexio debuxaron para o Samain.

miércoles, 31 de octubre de 2012

Lecturas de medo 3.

Terceira entrega das lecturas de medo na nosa Biblioteca, os lectores foron:
  • Lúa, María e Jonathan de 3º, Bat Pat y el pantasma do Dr. Tufo.
  • Vicky e Álison de 6º, O misterio dos fillos da Lúa.
  • Adrián e Joel de 3º, O misterio do tren pantasma.
  • Hugo Portela de 4º,  Guillermo y el miedo.

viernes, 26 de octubre de 2012

Lecturas de medo 2.

Hoxe continuaron as lecturas de medo nos recreos e nesta ocasión tivemos a sorte de contar con:
  • A clase de 2º representou o conto Que ven o lobo.
  • Adriana, Nerea e Mar de 5º.
  • Javier, Natalia, Letizia e Hugo de 3º leron un fragmento de Guillermo y el miedo.
  • Iria de 4º Kika Superbruja y el castillo de Drácula.

jueves, 25 de octubre de 2012

Lecturas de medo na Biblioteca 1

Hoxe comezaron na nosa Biblioteca as lecturas de libros e contos de medo. Os encargados de abrir esta terrorífica actividade foron.
  1. Roberto de 4º O misterio do cemiterio vello.
  2. Antón de 3º A bruxa Regañadentes.
  3. Laura e Candela de 5º A miña amiga a escuridade.
  4. Uxía e Alba de 6º Bat Pat e o tesouro do cemiterio.

miércoles, 24 de octubre de 2012

Corre corre, cabaciña.

Os nenos e nenas de 6º representaron hoxe na biblioteca do colexio o conto "Corre corre, cabaciña". O éxito foi enorme e xa están recibindo ofertas de Hollywood. Parabens polo traballo realizado.

 

martes, 23 de octubre de 2012

Día da Biblioteca 2012: O xardín onde florecen as palabras.

O 24 de outubro celébrase o Día da Biblioteca, con tal motivo no noso centro preparamos unha serie de actividades. Os  nenos/as de 6º representarán para todo o colexio "Corre corre, cabaciña" e ao remate teremos unha sorpresa moi agradable...
PREGÓN DO DÍA DE BIBLIOTECA


 Non vin vella nin velliña, nin velliña nin vellón. Corre corre, cabaciña. Corre corre, cabazón!, respondía á cabaza que ía rodando polo camiño, ante a mirada estupefacta do lobo, do oso e do león. Quen estará dentro dela, facendo burla das tres feras?

Corre corre, cabaciña é un conto popular portugués, de gran tradición no país veciño, mais que aínda non fora editado en galego. Relata a historia dunha velliña que, de camiño ao casamento da neta, atopa un lobo, un oso e un león que a queren comer. Ela convence os animais para que a esperen á volta do convite e, despois da celebración, a neta e a velliña argallan algo moi orixinal para burlar as tres feras.


Ben que baixo denominacións diversas: A vella e os lobos, O macaco e a cabaça (na versión brasileira), A cabacinha ou A vella que ia na calabaça e encontrou um lobo, Alice Vieira, escritora sobranceira en Portugal, ou compiladores de contos tradicionais lusos como Adolfo Coelho, S. Romero, A. Oliveira ou L. Vasconcellos, recolleron incontables variantes desta historia por todo país e tamén polo Brasil. Nalgunha delas, os animais devoran a avoa, mais nesta adaptación elixiuse un final en que a vella e a neta, con enxeño, humor e imaxinación, conseguen superar os conflitos e dárllelo seu merecido ás tres feras. Cun ritmo áxil e co «lenga lenga» —case un trabalinguas—, aínda vivo nas versións portuguesas que circulan ata o de agora, este conto multiplica as posibilidades expresivas da narración e da representación teatral.


Por último, André Letria, ilustrador de gran prestixio alén do Miño e gañador en varias ocasións do Premio Nacional de Ilustración de Portugal, crea personaxes de gran forza e personalidade, que dota dunha expresividade acentuada e dun imaxinario humorístico ben definido.

Texto de Eva Mejuto, a partir dun conto popular portugués
Ilustracións de André Letria


sábado, 20 de octubre de 2012

Contos para asustar ao medo.

Achégase a celebración do Samain, antiga festividade celta coa que se pretende naturalizar e desdramatizar a morte, con tal motivo a  editorial OQO presenta unha serie de contos para asustar ao medo.


              


martes, 16 de octubre de 2012

Dentro da miña imaxinación.

Hai un lugar máxico onde sempre podes ser ti mesmo. Nese máxico lugar podes acender a túa luz e con ela iluminar a túa vida. Ese lugar é a túa imaxinación. A túa imaxinación ten vida e voz propia. A túa imaxinación é a expresión da túa liberdade.


Dentro da túa imaxinación calquera cousa boa pódeche suceder. Dentro da túa imaxinación podes ser quen ti queiras ser. Dentro da túa imaxinación ti es o rei ou a raíña da túa creación e cando ti elíxelo, cambia todo ao redor. Dentro da túa imaxinación podes crear mundos... ¡e despois na realidade tamén!

Este conto, para nenos e adultos, invítanos a abrir a porta á nosa imaxinación e xogar a descubrir como funciona por dentro ese lugar onde sempre podemos sentir e ser nós mesmos. E dentro da túa imaxinación?… que hai?


Detalles del libro

Autora: Marta Arteaga
Editorial:  Cuento de luz 
Ilustradora: Zuzanna Celej
ISBN: 9788415241102
Paginas: 24
Papel: FSC
Cubierta: Tapa dura
Dimensiones: 21 x 26 cm
Idioma: Castellano

Caillou.Decorando Cabazas...

domingo, 14 de octubre de 2012

Lecturas de medo e misterio. 3º ciclo.

Maxia, misterio, aventuras e moitas emocións no interior destes libros. Se che gustan os libros, recomenda a súa lectura aos teus compañeiros/as na dereita do blogue (3).

          

         

        

Libros de medo. 1º ciclo.

Aquí tedes unha selección de lecturas de medo e misterio que podedes atopar na nosa biblioteca. Se che gustan os libros, pregúntalle á túa mestra como podes recomendalos aos teus compañeiros/as.

Lecturas de medo. 2º ciclo.

Aquí tedes unha selección de lecturas de medo e misterio que podedes atopar na nosa biblioteca. Se che gustan os libros non esquezas recomendar a súa lectura aos teus compañeiros no espazo dedicado ás recomendacións de 2º ciclo, no  2 que hai na parte dereita do blogue.

viernes, 12 de octubre de 2012

Premio Nobel de Literatura.

O escritor chinés Mo Yan foi o elixido este ano para levarse o Nobel de Literatura. Mo Yan, segundo a academia, "mestura, cun realismo alucinatorio, contos folclóricos, historia e o contemporáneo". Mo Yan (Gaomi, China, 1955), un dos novelistas chineses máis lidos, converteuse no primeiro escritor desa nacionalidade que obtén o Nobel. Gao Xingjian, gañador no ano 2000, tiña nacionalidade francesa aínda que a súa obra está escrita en chinés.
Mo Yan é o seu alcume, que significa en mandarín "Non fales". O seu verdadeiro nome é Guan Moye.
Mo Yan en la wikipedia




Kalandraka. Premio Nacional á mellor labor Editorial de 2012.

O Ministerio de Educación, Cultura e Deporte concedeu á editorial pontevedresa Kalandraka o Premio Nacional ao Mellor Labor Editorial Cultural 2012 polo seu "compromiso coa literatura infantil, destacando o coidado dos textos, xunto coa calidade da ilustración e a dedicación a xéneros máis complexos como a poesía" e cualifícaa de "un referente en España e no estranxeiro". Kalandraka é a primeira editorial galega e tamén a primeira de literatura infantil e xuvenil que recibe este importante galardón. Felicidades.

Tempo de Samain.

Achégase o Samain, tempo de misterio e maxia. Dende a biblioteca do cole prometémosvos unhas lecturas de medo... Uhhhhhhhhh


domingo, 30 de septiembre de 2012

Normas da biblioteca.

Para que todos e todas gocemos coa nosa biblioteca é necesario que cumpramos unhas normas de comportamento e organización. Ssssssss... que estamos lendo.

sábado, 29 de septiembre de 2012

A maxia dos libros.

A maxia sempre está a unha páxina de distancia, descubrea na Biblioteca do cole. Moitas aventuras, viaxes, amigos, animais, sorpresas... estante a esperar alí, non deixes que se perdan. Lembra que os libros teñen unha vida secreta, haz clic e descúbrea...


lunes, 10 de septiembre de 2012

O tempo pasa...o cambio é inevitable.


Un día, despois de rematar un curso sobre como facer un Blog, decidín que podiamos ter un para a Biblioteca. O 25 de Outubro de 2010 púxeno en marcha cunha gran dose de ilusión e con moi poucos coñecementos. Todo o positivo e negativo que puidese transmitir dende este blog é unha responsabilidade que asumo xa que era eu a que elixía e publicaba as entradas. Gustoume facelo e xa está en marcha, agora pásolle a testemuña a outros compañeiros que a recollen con moita ilusión. Un saúdo. Luisa.

Volta ao Colexio...Benvidos

O mércores voltamos...Benvidos!Un saúdo.Luisa.