"O regato do Cepelo" de Manuel María. Actores: Alumnos de 4º de E:P:

Durante estes días estiveron no colexio representando unha obriña de Manuel María os rapaces de 4º. Titúlase " O regato do Cepelo" no que se denuncia e combate a destrucción da Natureza para dar paso a novas construccións. Unha pequena confrontación entre o alcalde, o pobo , os animais e as constructoras.
Ao final sae gañando a Natureza.
Bravo polos rapaces de 4º!
Bravo pola súa directora de teatro!
Bravo por Manuel María!...que nos lembra que a Natureza é unha das mellores cousas que temos e que debemos conservar.
Aquí deixamos constancia do ben que o fixeron estes rapaces convertidos todos nuns grandes actores e actrices. Parabens a todos!

O Regato do Cepelo 4º from efsadaycontornos on Vimeo.

Bando do Alcalde...Adaptación do poema de Manuel María...Se prohíbe soñar de 10 a 11 .

"Compre arruinar a cultura en nombre do progreso"

Se prohíbe soñar de 10 a 11

Prohíbese, por orde da Alcaldía,
que medren porque sí
as rosas do xardín municipal.

Dende agora as pombas teñen
que pedir licencia pra voar.
Prohíbeselle á lúa que anda tola
andar ceiba no ceo.
Que a lúa é unha tola que anda espida
e dando mal exemplo ...

 

Están fora da Lei
 a Primavera,
as flores e os carballos,
as estrelas, os peixes e os paxaros.

Dende agora as pombas teñen
que pedir licencia pra voar.

Pagarán polos trabucos os poetas.
Prohíbese soñar ...
Prohíbese tamén derramar bágoas.
e pódese chorar  ...
e pódese chorar cando hai sequía
pra que enchan os pantanos.

 

Dende agora as pombas teñen
que pedir licencia pra voar.

E un só se pode emocionar
os Xoves e os Domingos
cando toca, cando toca
a Banda do Concello
a Banda do Concello no quiosco.

 

E un só se pode emocionar
os Xoves e os Domingos
cando toca, cando toca
a Banda do Concello
a Banda do Concello no quiosco.

 

Dase este bando en tal e cuale
pra que se cumpra de orde do Alcalde.
Firmado e rubricado.

Manuel María.(Adaptación)