4 de febreiro, Día Mundial contra o Cancro: Mamá vaise á guerra.

A guerra máis dura é a que temos que librar contra nós memos, contra os nosos medos, as nosas inquietudes ou contra o noso corpo.

Unha enfermidade innombrable: o cancro.

Unha mamá que quere explicar aos seus fillos o que lle sucede e como cambiarán as súas vidas nos meses seguintes.

Unha raiña que inicia unha longa guerra con moitas batallas e que ten un exército de aliados que loitará sen condicións ao seu lado.  Un conto sobre a vida mesma.

Un relato que somerxerá nenos e adultos en interesantes aventuras a través do corpo humano. Unha historia cargada de positivismo que axudará a pais, médicos e educadores a transmitir aos máis pequenos valores como a coraxe, a solidariedade e a esperanza.

Baseada nun caso real, "Mamá vaise á guerra" é un contro nacido do corazón e do amor, que con tenrura e sentido do humor achegará luz a moitas persoas.

Open publication - Free publishing - More cancer

Detalles do libro:

Título en castelán: Mamá se va a la guerra.

Autora: Irene Aparici Martín
Ilustradora: Mónica Carretero
ISBN: 978-84-15503-16-3
Páxinas: 24
Papel: FSC
Cuberta: Tapa dura
Dimensións: 21 x 26 cm
Idioma: Castelán

Recomendacións nenos/as de 2º ciclo.

Uffffffffff, tanto leron os nenos e nenas de 2º ciclo que encheron o seu apartado de recomendacións. Picade na imaxe de abaixo e botarlle unha ollada que seguro que vos darán ideas para o próximo día que vaiades á biblioteca.
Seguir lendo e non se vos esqueza recomendar os libros que máis vos gusten no novo bloque de recomendacións.

La escuela secreta de Nasreen

En Afganistán, dende a chegada dos talibáns, as nenas tiñan prohibido ir á escola, e as mulleres tiñan prohibido saír da súa casa sen ir acompañadas por un home da súa familia.

Esta é a historia real dunha nena chamada Nasreen. A raiz da desaparición dos seus pais Nasreen deixa de falar e a súa avoa decide levala a unha escola secreta. Grazas a ela, Nasreendescubrirá novos horizontes e compartirá as súas experiencias con outras nenas.

A pequena Nasreen leva o medo pintado no rostro. Tivo que vivir moi malas experiencias á súa curta idade e nada a fai feliz. Nunca sorrí, sempre está triste e taciturna. Os seus pais desapareceron, vítimas da barbarie dos gobernantes do seu país. E á súa avoa, para solucionalo, ocórreselle algo, que pode ser moi perigoso, pero que para a nena é a salvación: lévaa a unha escola de nenas. Non é unha escola normal, senón clandestina, porque onde vive Nasreen, as nenas non poden ir á escola. Grazas á aprendizaxe, "as ventás do mundo abríronse por fin" e Nasreen descubriu que había outra vida máis alá de á cal os talibáns a estaban a obrigar a vivir. 

   

En Occidente, que os nenos e nenas vaian ao colexio en igualdade de condicións é algo tan normal que ninguén lle pon atención, nin os propios alumnos, que, ás veces, se despistan e pensan que aprender é unha imposición dos seus maiores, pais e profesorado; pois ben, grazas a Nasreen talvez descubran que teñen moita sorte de poder ir a clase todos os días sen esconderse e sen temer polas súas vidas. E de paso aprenderán algo máis importante: ninguén pode impoñer á forza as súas ideas nin as súas leis.

• La Escuela secreta de Nasreen. Una historia real de Afganistán.
• Jeanette Winter.
• ISBN: 978-84-261-3808-8.
• Editorial  Juventud.
• 48 páxinas.

Recomendacións para o Nadal

Open publication - Free publishing - More lecturas

O lobo vermello.

A historia dun pequeno can que se cría con lobos e aprende a ser un máis da manda. Non obstante, é ferido nunha cazaría contra eles e lévano á casa dunha acomodada familia cuxa filla consegue salvalo, converténdose na súa amiga. Ela prometeralle que cando a súa vida chegue ao final, o levará ao barranco onde xacen os lobos mortos, tamén a súa nai loba.

O lobo vermello foi Premio Alemán de Literatura Infantil.

"... é un delicado canto ao respecto pola natureza así como unha alegación á dignidade dos seres vivos, sexa cal sexa a súa condición; as súas marabillosas imaxes de traxos suaves e que alternan o movemento máis frenético coa quietude máis emotiva son a maior homenaxe que se pode facer á vida en todas as súas manifestacións."

(Revista Babar)

Open publication - Free publishing - More album

• O lobo vermello (El lobo rojo)
• Friedrich Karl Waechter.
• Número de páxinas: 64 a toda cor.
• Encadernación: cartoné.
• Formato: 22,3 x 28 cms.
• ISBN: 978-84-96646-71-1
• Idade: dende 8 anos.

Lecturas de medo. 2º ciclo.

Aquí tedes unha selección de lecturas de medo e misterio que podedes atopar na nosa biblioteca. Se che gustan os libros non esquezas recomendar a súa lectura aos teus compañeiros no espazo dedicado ás recomendacións de 2º ciclo, no  2 que hai na parte dereita do blogue.