Logo de Sada Instrucción y apoyo

Logo de Sada Instrucción y apoyo
Logo da Sociedade "Sada y sus contornos" creada en Nova York, no 1913, por emigrantes naturais do Concello de Sada e residentes nesa cidade americana.A finalidade principal era dotar á súa vila natal de medios co que instruír ás novas xeracións.No 1927 inaugurábase a nosa escola...83 anos despois, inauguramos o blogue da súa Biblioteca. Sada, 25 Outubro do 2010.

sábado, 4 de junio de 2016

"O regato do Cepelo" de Manuel María. Actores: Alumnos de 4º de E:P:

Durante estes días estiveron no colexio representando unha obriña de Manuel María os rapaces de 4º. Titúlase " O regato do Cepelo" no que se denuncia e combate a destrucción da Natureza para dar paso a novas construccións. Unha pequena confrontación entre o alcalde, o pobo , os animais e as constructoras.
Ao final sae gañando a Natureza.
Bravo polos rapaces de 4º!
Bravo pola súa directora de teatro!
Bravo por Manuel María!...que nos lembra que a Natureza é unha das mellores cousas que temos e que debemos conservar.
Aquí deixamos constancia do ben que o fixeron estes rapaces convertidos todos nuns grandes actores e actrices. Parabens a todos!

O Regato do Cepelo 4º from efsadaycontornos on Vimeo.

martes, 24 de mayo de 2016

domingo, 24 de abril de 2016

Onte foi o Día do Libro, onte en moitos lugares léronse poemas de Manuel María.

O pobo galego ten que ser o protagonista da reposición e normalización do seu idioma en todos os espazos e lugares e para todos os usos, activándose os 365 días dos ano.
O Día do libro quixo homenaxear a Manuel María a quen se lle adica este ano o Día das Letras Galegas.

“A fala”. Manuel María

“A fala”
O idioma é a chave
coa que abrimos o mundo:
o salouco máis feble,
o pesar máis profundo.
O idioma é a vida,
o coitelo da dor,
o murmurio do vento,
a palabra de amor.
O idioma é o tempo,
é a voz dos avós
e ese breve ronsel
que deixaremos nós.
O idioma é un herdo,
patrimonio do pobo,
maxicamente vello,
eternamente novo.
O idioma é a patria,
a esencia máis nosa,
a creación común
meirande e poderosa.
O idioma é a forza
que nos xungue e sostén.
¡Se perdemos a fala
non seremos ninguén!
O idioma é o amor,
o latexo, a verdade,
a fonte que agroma
a máis forte irmandade.
Renunciar ao idioma
é ser mudo e morrer.
¡Precisamos a língua
se queremos vencer!

23 de Abril. Día do libro.



Sada celebra o Día do Libro con 

identificadores e actividades de lectura na rúa.

sábado, 27 de febrero de 2016

Os rapaces de 5º escriben e ilustran contos para o Kamishibai. Parabens rapaces!

Despois imos contarllelos aos rapaces de Educación infantil e 1º Ciclo. Tamén decidimos convertirnos en Editorial. Chámase Editorial L,L,SL.

miércoles, 24 de febrero de 2016

sábado, 16 de enero de 2016

viernes, 15 de enero de 2016

Xornada electoral 2ª Volta.Hoxe, despois do recreo.

Presidindo a mesa dous rapaces de 5º, Walda e Sofía,  e dous de 6º Lúa e Hugo repetiremos a votación para elexir o nome da nosa mascota. Nesta ocasión decidiremos entre LECTURITAS o BONGONGO.Votarán todos os membros da Comunidade Educativa do Colexio.
Xa está todo listo.Hoxe coñeceremos , por fin, como se chama a nosa mascota.




viernes, 4 de diciembre de 2015

jueves, 3 de diciembre de 2015

Xornada electoral para elexir o nome da mascota.

Hoxe foi un día importante.Todos fomos ata a Biblioteca para elexir de forma democrática o nome da nosa mascota.A xornada transcurriu de forma tranquila.Non houbo ningún problema salientable.Na lista do censo de 2º faltaban dúas alumnas, problema que foi arranxado de xeito inmediato e as alumnas puideron votar.
Mañá no tempo do recreo farase o reconto e poderemos coñecer o resultado da votación.
Xa sabedes que  podedes asistir.


miércoles, 2 de diciembre de 2015

Mañá xoves, día de votación no Colexio.

Mañá, despois do recreo eleximos de forma democrática o nome da nosa mascota.Os alumnos de Primaria terán que ir votar co seu carnet da Biblioteca.Non o esquezades!Esperamos sexa unha xornada electoral moi leda para todos.
O venres farase o reconto dos votos no recreo. Todos os que queiran asistir poderán facelo.Será na Biblioteca.Lembrade que non se pode merendar dentro.
Grazas a todos por participar.

viernes, 6 de noviembre de 2015

Membros que presidirán a mesa electoral.

Elexidos por sorteo, formarán a Mesa Electoral os seguintes alumnos:
Poderánse presentar as reclamacións oportunas ante a Coordinadora da Biblioteca mediante un escrito alegando o motivo polo que non pode asistir á Mesa Electoral.